Etnomarca, arregoda et no si-ndi scaresci de sa nostra stòria, de sa nostra cultura. Etnomarca ada mòstrai sa bellesa e sa magìa de s’antiga cultura Nuragica de su secundu millènniu prima de sa nàscida de Gesù Cristu. Etnomarca ada fai a bìri is meraviliosa costrutzionis de sa mìsteriosa ìsola inmesu de su Mediterraneu occidentali, sa Sardinnia. Etnomarca esti una manera noa de cumprendi s’archologìa.
Beni imparis cun-nosu!

Su Caminu Nuragicu.
Su caminu Nuragicu esti nàsciu po s’abbisòngiu de connoscèntzia de sa stòria antiga de Sardinnia. S’època nuragica esti accarrexiada de mistériu et indiferentzia. Medas logusu de istùdiu àrcheologicu funti abbandonausu et kenze aggiudusu econòmicusu, po patti de is istitutzionisi polìticasa et de cussasa culturalisi po sa bellas artes. Sa archeologia offitziali no arreconnoscidi una crara participatzioni de sa cultura nuragica in su mundu antigu de su mediterraneu de su XX sec. a.C. Custu poitta a cantu paridi no si-ndi xinti ponni de meri et ciccai calincuna beridadi asutta de sa terra, chentza de custa beridadi no si podinti scriiri documentus et ponni in is giornalis ofitzialisi. In custu caminu nuragicu andausu a connoxi patti de custa cultura nuragica (is graficasa funti rielaboradasa cummenti ki fessinti dipitusu de “street art”) et podeusu arrexionai imparis et cumprendi cantu c’esti ancora de fai po scoveccai custu misteru de s'ìsola in mesu a su mediterraneu occidentali.

Su caminu rùrali.
Is traditzionis, is trabballus de una borta, sa bida chi femmus bivendi prìma de sa rivolutzioni virtùali; Custas et attras funti is chistionis ca seus andendi a contai in custu giru de arregodus de is tempus passaus. S’importantzia de is traditzionis de is maistus de buttega esti patti de sa realidadi chi seus bivendi in is tempus de oi. Is trabballus de una borta fianta xetti a manu et cun cussas manus anti costrùiu su mundu chi seus bivendi oindii.
Dogna mudàntzia de mesi in s’annu et dogna trabballu, fiant’tottus patti de su arregulàmentu de sa naturalesa, fiant relatzionada cun sa bida de tottus is omminis.
Sa sotziedadi chi mudada esti una sotziedadi bia, ma po cantu bia no si-ndi podidi scarexi de s'istòria 'e còsas sùas.
Custa sotziedadi deppidi, in dogna manera, arregodai de aundi seus partius po sciri aundi podeus arribai.
In custu caminu in is trabballus de una borta eus a biri tottu custu mundu pintau et disenniau cummenti chi fessinti patti de unu libru de arregodus de famìllia; et podid'essi s’elencu de cussus  antigus trabballus chi anta a torrai a fai patti de sa bida de dogna diri.

​L.I.S.A. Confezioni Soc. Coop -Etnomarca 
Buttega, fàbbrica et uffitzius amministrativus funti in s’arruga
Franciscu Ciusa 22 09019 Teulada (Ca) Sardinnia
Nùmeru de su teléfunu +39 070 9270869
Nùmeru de su céllulari+39 349 2221842